Ugla.
Ugla er ein
snodig skapning
Det å være
paddeflat
i trynet
må no være
temmeleg upraktisk
for dei som skal
fyke
Eg meinar...
fins ikkje
logikk i noko
slikt
Skal du fyke i
dag
må du være
aerodynamisk
ergo må du ha
eit spisst tryne
og ein sylslank
kropp
ikkje rund og
flattryna
Kva nytte gjer
ho eigentleg
ugla
bortsett frå å
ete småkryp?
Ingen
spør du meg
Enten sit ho i
ei gran
like utanfor
glaset
der eg skal sove
eller so sit ho
på skorsteinen
og held meg
vaken
heile natta
med dei
vederstyggelege lydane sine
slik at eg vert
morgongretten
uopplagd
og eit uhyre på
jobb
Då eg ikkje har
noko våpen
kan eg ikkje
godt skyte henne
heller
Ok
kastar no av og
til stein
og støvlar
men dei går som
regel i hytt og pine
utan særleg
nytte
Ho berre sit der
nautet
Skal vedde på
ho stel støvlane mine
også
har ikkje funne
igjen halvparten enno
men steinane
dei let ho
ligge, beistet
Må vel leve med
dette
Kanskje stryk ho
med
av utmattelse
eller elde ein
vakker dag?!
Vel..
det går litt
betre no
når eg brukar
øyreproppar
men
dei heslege
lydane
verkar å ha
lagra seg der inne
i bakhaudet
for dei er aldri
heilt borte.