Stillheit
Fjernsynet har gått
til helsike
....igjen
Den nakne
firkanten
der det ein gong
stod
gapar imot meg
Har sege alt for langt ned i stolen
klarer fan ikkje
kome meg opp igjen
men gir blanke
Her er ingen
verdens ting å finne på
likevel
og so i kveld
som det er fotballkamp
og allting
Den skitne
raudvinskaggen
står framleis
der eg sette han
i går
like bak reolen
Kanskje vel
tidleg
klokka viser
berre halv elleve
ikkje har eg ete
noko heller
må iallfall
vente til etter middagen
Med eit litt
lysare syn
på livet
karrar eg meg
opp av stolen
blar litt i
platebunken
men slår
oppgitt ut med armane
Berre drit!
At det går an
å ha ei slik samling
med berre drit!
Tungsinnet legg
seg igjen
Radioen
«Alle tiders
blinkskudd»
musikk for åndssvake!
Petre er berre
kvæsing
det same kan det
vere
berre drit der
også
som regel
Det er stilt i
stova igjen
berre den tidvis
oppgidde stønninga
frå sofaen
bryt stillheita.